Óskum hestamönnum gleðilegs árs 2012

Það er spennandi ár framundan hjá öllum hestamönnum, þar sem glæsilegt Landsmót mun vafalítið standa upp úr.  Fjöldi efnilegra hrossa eru komin í tamningu og það er strax orðið spennandi að bíða eftir afrakstrinum í vor.  Allar tamningastöðvar eru fullar af efnilegum tryppum.  En það er margt annað í hestamennskunni sem veitir tilhlökkun auk mótanna, við eigum von á yfir 30 folöldum en það er einn allra skemmtilegasti tími ársins finnst okkur þegar þau fara að koma í heiminn.

Enn og aftur, við óskum öllum farsældar á komandi ári og hlökkum til mikils hestaárs.