Það er mikið að gera í hesthúsinu við unghrossamat.  Alls staðar líta á mann litlir veturgamlir hesthausar þegar gengið er um hesthúið, og er ansi gaman að sjá hvað í þessum unglingum býr.  Vinnan felst í því að kenna tryppunum að láta ná sér og mýla, og að sjálfsögðu teymast og almennt vinna í sjálfstrausti þeirra og virðingu fyrir manninum.  Yfirleitt dugar 10 - 14 daga tamning til að ná þessu markmiði, og þá er búin til skrifleg skýrsla fyrir eigandann með mati á skapgerð hrossins, byggingu og hreyfingum.  Ef þú hefur áhuga á því að senda þitt hross í svona forskóla þá endilega hafðu samband við okkur. 

Myndasafn