Það er að aukast mikið að kaupendur ungra hrossa, þ.e. tryppa vilji fá hrossin meðhöndluð áður en þau eru send út, það auðveldar að sjálfsögðu alla umönnun þeirra á leiðinni, og það sem er ekki síður mikilvægt, að álagið á hrossin út af flutningnum er stórlega minnkað þar sem tryppin eru orðin mannvön og láta allar þessar nýjungar ekki alveg eins mikið á sig fá.  Á meðfylgjandi mynd er folald sem er hér í fortamningu.  Þetta folald er eitt af sjö folöldum á vegum Huldu og Hinna á Árbakka sem eru hérna núna, og fara út til Þýskalands 20. janúar.  Folöldin eru að læra að teymast, og spekjast hratt.